Күренекле татар шагыйре Фатих Кәримнең тууына 100 ел уңаеннан районда конкурс үткәрелде. Безнең мәктәпнең 9 класс укучысы Димиева Динара район күләмендә 3 урынга чыккан. Укытучысы - Шайгарданова Илсөя Ринат кызы.
Аларга алдагы конкурсларда да уңышлар телик. Котлыйбыз!. 

6 март көнне мәктәптә ике команда арасында төзелгән "Ягез әле, кызлар!" ярышы үтте. "Дуслык" һәм "Кояш" командалары төрле конкурсларда үзләренең осталыкларын күрсәттеләр. Бигрәк тә җәйге мода конкурсы кызыклы үтте.
Бәйрәмне оештыручы Хөсәенова Гөлзада Камиловна.

4 март көнне башлангыч класс укучыларының Гаилә бәйрәмнәре үтте. Бәйрәмгә укучыларның әти - әниләре чакырылган иде. Укучылар җырда һәм биюдә үз осталыкларын күрсәттеләр. Әти -әниләр белән кызыклы уеннар уйнадылар.
5 март көнне 6 класс укучыларының бәйрәмнәре үтте. Алар сәг. 12 дә район үзәгендәге катокка төштеләр,  ә кич белән мәктәптә бәйрәм иттеләр.